LOPE DE LARREA IKASTOLA

AURKEZPENA

D ereduko Haur Hezkuntzako eta Lehen Hezkuntzako ikastola publikoa gara.

Urte luzeak daramatzagu euskal nortasuna hezkuntzaren bidez berreskuratze lanetan. Horretaz gain, mundura zabaldua egongo den irakaskuntza bultzatzeko ahaleginetan ari gara (mundu anitza, hizkuntza eta kultura anitzez osatua, guztien arteko errespetuan oinarritutakoa…).

Euskal kultura eta gizartearen errealitatea abiapuntutzat hartzen dugu, mundu zabaleko beste herrien errealitatera zabalduz. Honela, gure ikasleak eleaniztasunean hezteko helburuarekin lan egiten dugu. Hori aurrera emateko hizkuntza proiektu berri bat garatzen ari gara.

Haurra protagonista duen hezkuntza integralean sinesten dugu. Hau horrela izanik, gurasoen partaidetza ezinbestekoa deritzogu.

Hezkidetzan heztea da gure helburua, generoen arteko berdintasuna bultzatzen duen hezkuntzan hain zuzen.

Haur Hezkuntzarako erabiltzen dugun metodologia nagusia Urtxintxa da eta Lehen Hezkuntzakoa, berriz, Txanela da.